الرئيسية > مشكلة اخرى > مشكلتي مع ابوي تكفون ساعدوني

مشكلتي مع ابوي .. تكفون ساعدوني

السلام عليكم
أنا ابوي شخص طماع جدا يحب الفلوس وطمعه فيها هو سبب اغلب المشاكل في عائلتنا ابوي من يوم كنا صغار وهو دائما في مشاكل مع امي عشان راتبها وفلوسها يأخذها بالقوه حتى ذهبها ودائما يعنفها ونحن متضررينن بسببه اكبر خواتي كانت تدرس جامعة اخذ بطاقتها لين تخرجت ماعطاها منها واختي المتزوجه اخذ عليها نص مهرها وأنا واختي الي اصغر مني من يوم دخلنا مدرسة التحفيظ وهو ياخذ مكآفئآتنا ويوم دخلت الجامعة خليت بطاقتي مع اخوي عشان ماياخذ منها والحمد لله صرت اشتري ملابس واغراض للجامعة بعد ماكانت امي تدس فلوس عن ابوي عشان تشتري لنا ملابس واغراض لاتستغربون هي الي كانت تصرف علينا مو ابوي الي مايدري عنا طول وقته برا البيت ، المهم ابوي سكت ماقال شي والآن أنا خريجه لكن ربي ماكتب لي اسجل في اختبار الكفايات للمعلمات وفاتني التسجيل وإن شاء الله انها خيره ولعلها السبب الي خلاني أعرف إن ابوي طامع في الراتب ويبغاني اتوظف عشان يأخذه تصرفاته في الأيام الأخيرة توحي بهذا الشي صار دائما يتكلم علي في الفطور اني ماسجلت وكل شويه يعيد السالفة وليش ماسجلتي مع أنه بالعاده مايسأل عنا ولا يعرف اخبارنا لكن باين أنه مقهور لأني ماسجلت كل يوم على نفس السالفة يعيدها ابغى حل ايش اسوي أخاف يجي اليوم الي اتوظف وتصير مشكله بينه وبين اخوي عشان بطاقتي


منذ 22-05-2019 - 1 تعليقات - الزيارات 136 | مشكلة اخرى

خبير

ابو تركي

منذ 23-05-2019

الله المستعان
مالكم الا الصبر لانه والدكم لو اخذ مالكم
حاولوا تفهمونه بالطيب وتضحكوه وتمازحوه حتى تسيطروا عليه

الاكثر اجابة

261

161

114

63

66

57

57

57

53

محول التاريخ

إحصـائيات الستخدمين

عدد الاقسام 7
عدد الاسئلة 823
عدد الاجابات 613
عدد الاعضاء 742
المتواجدون الان 22
عدد الزيارات 39618