انا متزوجة وحياتي مستقرة ولله الحمد وماشية وزوجي رجال طيب ومبسوطين ياربي لك الحمد
بس فيه مشكلة وحيدة انه انسان جدي بزيادة وماهو عصري ابد ، عمره 29 واهتماماته مثل رجال عمره 50 احياناً اسولف معه واقول كلمة ولا يفهمها واقعد اشرح له مع انه انسان متعلم وعنده لغة لكن كل اهتماماته جدية ماعنده سناب بس انستجرام وينزل صورة بالبر مع اخوياه واقاربه وساحب عليه من فترة وتويتر ولا يتابع الا حسابات سياسية ودينية وكم حساب اجنبي ، مرة شافني فاتحة السناب وبدا يهاوشني يقول ( انتي بس تناظرين تفاهات الناس وحياتهم ركزي على حياتك ماعليك من الناس ) احياناً اقوله يشتري له بدل وبناطيل جينز يلبسها لكن ماهمه بس يلبس ثوب وشماغ وعقال لو يروح المسجد ويرجع لبس ثوبه وشماغه مع انه رياضي وجسمه مشدود وطويل بس مايلبس بدل الا وقت التمرين فقط، ودي اغير من تفكيره لان احياناً احس باحباط منه ومن حركاته ليت الناس تقترح وش اسوي معه.

منذ 28-08-2019 - 3 تعليقات - الزيارات 510 | مشكلة زوجية