ما احب زوجي لان ما بيننا توافق و نعامل بعض بشكل رسمي وودي انفصل

عضو

رويانه

أنا صار لي متزوجه ٤ شهور مشكلتي اني ما احب زوجي مو كره لا بس ماحبه ولا فيه اي مشاعر تجاهه من اول يوم الين اللحين احاول احبه بس ماقدرت مافيه ولا شي عاجبني فيه او يشدني له لا اسلوب ولا شخصيه ولا سوالف مافيه اي تفاهم ولا توافق بيننا ولا فيه اي رابط وعلاقتنا بارده وشبه رسميه لدرجة يمر يوم كامل مافيه سوالف ولا ضحك ولا طقطقه ولا نقاشات
بس سؤال وجواب وين بتروح - سوي كذا - حطيه هذا - بس وانا م احب كذا انا فلاويه واحب السوالف والضحك بس هو مو ع جوي مع انه طيب بس الطيبه ماتكفي
ابي واحد احبه ويحبني يهتم فيي واهتم فيه نجلس نسولف مع بعض نونس بعض مو نظامي هذا اللي اصحى اغسل واكوي واطبخ ويصحى ياكل ويطلع برا واذا رجع نام وبس هذي حياتي معه إ! مره زعل مني يقول مقصره معي من ناحية الحب والاهتمام والكلام الرومانسي وهو صادق بس وش اسوي ماااحبه فطبيعي اني ماراح اسوي كذا حاولت اجامله بس ما قدرت مع العلم انه هو نفس شي واذا طلع ولا داوم ماعمره كلمي ولا راسلني يتطمن ولا يسولف وانا عادي عندي لاني ماحبه ف مايهمني ف دايم افكر بالانفصال طبعا ودي انفصل عنه اليوم قبل بكرا ارجع عزوبيه ووحيده ومسؤوله عن نفسي بدال ما أعيش مع واحد ماحبه وبس اغسل وانظف واطبخ وهو مايستاهل اصلا ودي انه يتزوج وحده تحبه وتهتم فيه مثل مايبي وانا ودي اخذ واحد نفس ما ابي اقلها نكون متفاهمين وجونا حلو مع بعض مو أصنام ف اشوف الانفصال افضل حل لأننا مو مناسبين لبعض مو لاننا فينا عيوب حاليا افكر اقول بصير لين اجيب بنت وولد وبعدها انفصل وخلاص اكتفي فيهم مابي اتزوج مره
ثانيه لاني كيف بضمن اني بحبه وبيحبني !!

المهم عطوني رايكم واتمنى تتفهموني ..


منذ 22-09-2019 - 6 تعليقات - الزيارات 959 | مشكلة زوجية

  

عضو

ام سعود

منذ 26-09-2019

اصبري حبيبتي راح تتعودون على بعض ، اغلب حالات الطلاق تصير خلال الفترة من 4 اشهر الى سنة ، اصبري ومع الوقت بيصير ان شاء الله توافق بينكم


عضو

وليد سعد

منذ 27-09-2019

لا حول ولا قوة الا بالله


عضو

محمد

منذ 07-11-2019

مغصوبه عليه انتي ؟
الزواج التقليدي يبي صبر حتى تعتادي ، لاتفكرين بالمسلسلات وحياة الناس اللي برا ، حاولي تهتمين انك تسالينه تسولفين معه تناقشينه لو ماتحبينه ، مع الوقت راح تتعودين عليه وتهتمين ، اذا هو صامت ولا يهتم لاتصيرين مثله ابد بما انكم زوجين وبعش واحد حاولي تسحبينه لك وتهتمين جربي شتى الطرق للوصول له ، اذا تبين مساعده انا موجود . وفقك الله

التوقيع

إذا رأيتَ مَن تُحب ... ابتسم! ليَشعُرَ بحبك.


عضو

أبو عبدالله

منذ 10-11-2019

بنيتي رويانه ..

من أخبرك بأن الحياة الزوجية مبنية على الحب !!

هي تبنى على شيء أسمى وأرقى .. يسمونه حسن العشره .

جميع ماذكرتيه الآن مررنا به وسمر به غيرك ..

وأنتي تعترفين بتقصيرك .. اظهري له يابنيتي بعض الاهتمام وسترين العجب العجاب


عضو

راحة بال

منذ 02-02-2020

الحياة الزوجيه ليست كما هي عليه في المسلسلات والسوشيال ميديا
كوني على ثقة ان الله اذا قاد لك الانسان ذو الاخلاق فهذا ادوم للعشرة


عضو

راحة بال

منذ 02-02-2020

المصارحة والجلوس مع بعض بهاي الامور ضروري لا تفترضي ان الزوج يعرف كل شئ من تلقاء نفسه ، هذه مشكلة الكثير من الفتيات ، يتخيلن ان الرجل يفهم كل ماتريده المرأة ، لا يا اختي الرجل يفهم بعضا مما تريده المراة صارحيه


الاكثر اجابة

315

169

165

135

114

111

113

100

88

محول التاريخ