الرئيسية > مشكلة زوجية > وش رايكم بشروطي الي راح اكتبها بعقد النكاح هل هي طبيعية

وش رايكم بشروطي الي راح اكتبها بعقد النكاح هل هي طبيعية ؟

فتاة عمرى ٢٤ سنة بسألكم شرايكم بشروطي الي رح اكتبها في عقد النكاح
هل هي معقولة و طبيعية او لا ؟
(يعلم الله إنها بدافع حفظ و صون بيتي و عرضي وليس لأجل فرض السيطرة
بالعكس زوجي على راسي و ما راح اطلع عن شوره بإذن الله ، كل شيء بالتفاهم)
- لا تمنع من التعليم
- لا تمنع من الوظيفة
- لا تمنع من زيارة أهلها
- لا يتزوج عليها
- يمنع الزوج من السفر للخارج دون رفقة
الزوجة او موافقتها
- لا يترك الصلاة
- يمنع من جميع أنواع الإدمان :
قات دخان.. إلخ...
من كثر الي اسمعه خلاص ابغى اريح راسي من البداية و اكون على نور
وعشان يدري اني لا احتمل التعدد و سفره للخارج دون ضرورة
ومستعده احطه على راسي هو وأهله ، اتحمل ظروفه و فقره و مرضه الا هالأشياء هذي.


منذ 09-11-2019 - 4 تعليقات - الزيارات 234 | مشكلة زوجية

عضو

أبو عبدالله

منذ 10-11-2019

المؤمنون على شروطهم ..

ومن حقك تشترطين اللي تبين .. بس السؤال اللي يطرح نفسه .. مين اللي راح يقبل شروطك هذي !!

استميحك عذراً .. مابقى غير تحطين شرط .. يمنع من دخول دورة المياة الا بعد إذن .
بنيتي .. بعض السلوكيات للرجل تستطيع الأنثى تغييرها بذكائها ..

تذكري أنتي تبين تعاشرين رجل ذو فكر مختلف ومن عائلة مختلفه وذو طباع مختلفه .. وليس كل شي يجي على الهوى .. سمعنا وشفنا كثير من الفتيات اللي تتشرط ببداية عمرها وبالنهاية تقول خذو اللي تبون لكن خلوني أسمع كلمة ماما ..

من الممكن أن تدخل الآن بعض الفتيات ويقولون مو أكبر همنا الأطفال .. لكن اذا دار الزمن بدوراته .. راح ترجع لها الموضوع ( في حالة استمرارية الموقع إن شاء الله ) وتقول ياليت..

عضو

رمانه

منذ 11-11-2019

حبيبتي حمامة سلام شرط عدم الزواج من اخرى ما راح يسجلونه لانه لا يجوز شرعاً والله اعلم
من وجهة اهم نقطة بالشخص الصلاة واخلاقه ، الباقي يهون ان حصلتي الشخص هذا
والله يرزقنا ويرزقك بالزوج الطيب آميين

عضو

حمامة سلام

منذ 13-11-2019

اختي رمانه هو يصلي حسب ما سمعت واخلاقه ان شاء الله حلوه
لكن اذا مايضع المملك الشرط ممكن اخلي 2 يشهدون انه مايتزوج علي
وامين حنا واياك ان شاء الله شرفتيني :)

عضو

حمامة سلام

منذ 13-11-2019

اخ ابو عبدالله هو اذا وافق على 5 شروط منها عادي اقبل فيه لكني انا بحطها احتياط
وبشوف عنه وانا عارفه انه من عائلة اخرى ومحترمه اكيد لكن انا ما ابغا مشاكل
معه ونعيش حياة طيبة ان شاء الله

الاكثر اجابة

279

161

114

100

73

75

63

60

60

محول التاريخ

إحصـائيات الستخدمين

عدد الاقسام 7
عدد الاسئلة 873
عدد الاجابات 735
عدد الاعضاء 815
المتواجدون الان 15
عدد الزيارات 46174