السلام عليكم ورحمة الله وبركاته
صباح/مساء الخير
الله يوفقكم جميعا ويحقق لكم كل خير تتمنونه، أنا شاب عشريني وماني متوظف، الحمدلله على كل حال، وعندي رغبة بالزواج لكن ما عندي القدرة المالية وفي نفس الوقت فيه بعض المشاكل العائلية اللي ما أدري كيف يكون وضعها إذا فكرت أتزوج، فكرت أتزوج وقلت أشوف لي إنسانة حتى لو كانت أكبر مني وتكون إما قد أنجبت ومكتفية من الإنجاب أو إنها ما تنجب وبدون علم أهلي، لأني ما أبغى أكون أناني وفي نفس الوقت باقي يجيني شعور إن فيه شيء غلط في الفكرة وأنا ما أرضى إهانة أو ظلم أو استغلال لأحد فما بالكم بإنسانة أرتبط بها على شرع الله سبحانه وتعالى وسنة نبيه اللهم صل وسلم عليه.
وما أخفيكم إني في نفس الوقت لي رغبة فالإنسانة اللي أكبر مني لكن خوفي من أهلي خصوصا ما أعتقد راح يقبلون الموضوع والمجتمع في نفس الوقت بس يمكن المجتمع ما يهم كثير.
أنا ماني عارف إذا اللي أنا أفكر فيه صح أو خطأ وإيش التصرف الصحيح.
ادعوا لي الله يوفقكم ويرزقكم ويحقق لكم كل خير تتمنونه ويسعدكم، ولا تفكرون من كلامي إني شخص سيء أو استغلالي أو إني أبحث عن مصلحتي على حساب الغير، بالعكس ما أمدح نفسي لكني طيب وأبغى الخير، الله يوفقكم جميع وييسر لكم كل خير.

منذ 19-01-2020 - 6 تعليقات - الزيارات 986 | مشكلة زوجية