ولدي يستخدم و يبغا يتزوج و محتاره

عضو

شماليه

السلام عليكم ورحمة الله
انا أم وولدي الكبير عمره 27 جنني يبغى يتزوج
لكن انا رافضه هو بار وحنون وطيب وكريم
لكن الأسف يستخدم مو مدمن لكن في بعض
الأحيان يستخدم وانا بصراحة مااقدر اكذب عل
الناس واغشهم ونفس الوقت مااقدر اخطب له
واقولهم ولدي فيه كذا وكذا وش الحل في نظركم
ياليت تفيدوني ، مشكورين


منذ 07-04-2020 - 3 تعليقات - الزيارات 500 | مشكلة نفسية

  

خبير

ابو تركي

منذ 09-04-2020

زوجيه عسى الله يهديه بالزواج وليس شرط تقولي عنه اهم شي اذا تعرفي ان اخلاقه طيب الباقي يتعدل ان شاء الله مع النصح.

التوقيع

سبحان الله وبحمده سبحان الله العظيم


عضو

محمد

منذ 29-04-2020

ابو تركي الله يهديك انت من الناس اللي زوجوه ويعقل ، غلط ياخوي ،
بنت الناس ماهي لعبة عنده ، اللي يستخدم اذا تزوج يزود بلاه لانه هو مسؤول عن نفسه ويصفاله الجو
ببيته ، يمكن يودي زوجته لبيت اهلها ويتعاطى لحاله .
لازم اول شي يوقف عن الاستخدام ويتزوج ، لاتظلمين بنت الناس مع ولدك ، ولا تظلمين نفسك ،
انصحيه يا امه انها مضره وان لازم تتركها عشان نزوجك ،
او بلغي عليه مستشفى الأمل ، ياخذونه عندهم يعالجونه ويناصحونه ويتوب بإذن الله مع دعواتك له والالحاح بالدعاء بأن يطهره من العادة ، ارفعي يديك في السحر ،
اسأل الله أن يشفيه ويعافيه ويبعده عن المنكر وأن يطهره من العادة السيئة ، اسأل الله له الهداية والتوفيق ، وأشكرك يالأم الباره وفقك الله بأبنك

التوقيع

إذا رأيتَ مَن تُحب ... ابتسم! ليَشعُرَ بحبك.


عضوة

Alanoud

منذ 27-08-2020

اول شي ي عزيزتي شيلي فكره الزواج من راس ولدك لين م يتعدل ثاني شي كيف انتي للحين م بلغتي عليه اقرب مستشفى تشوف حالته ولدك يضيع من يدك وانتي منتي حاسه بكره اذا تزوج يعذب بنت الناس او يضربها ويشك فيها ويستخدم في البيت حرام اعتبري بنتك جاء خطبها واحد وبعدين انخدعتوا وش بتسوون انتي أم وقلبك حنون بس احيانا نضطر نقسى على اللي نحبهم عشان يعرفون قيمه الحياة اللي عايشين فيها انتبهي لولدك لايضيع منك والله يشفيه ويرزقك الصحة والعافية ونعمه العقل وصحة البدن ويبعده عن كل شي سيء عاجلاً غير آجل

التوقيع

Nood azzam


الاكثر اجابة

354

321

246

178

174

165

159

135

129

محول التاريخ