زوجي متشدد يمنعني من الخروج من البيت

عضو

عمري نجد

مشكلتي زوجي متشدد مره مستحيل يتركني اطلع مع صاحباتي او قريباتي لمكان عام يعصب ويتنرفز اذا طلبته واذا احتجت شي قال انا بجيبه وانتي اجلسي بالبيت!! يعنى متخيلين اذا طلبت شي وهو بالدوام... قال بتصل على اخواني يجيبون لك! حتى اهلي اروح لههم بعد هواش والله مليت انا انسانه ماحب اجلس بالبيت كثير ولما تزوجت حسيت ب اكتئاب يعني كل ذا وانا لسى م جبت اولاد فكيف بيتعامل.

فيدوني بحل وجزاكم الله خير؟


منذ 23 يوم - 6 تعليقات - الزيارات 180 | مشكلة زوجية

  

عضو

شووق

منذ 22 يوم

السلام عليكم
حاولي ما تعصبين عليه من هذي الناحيه عشان ما يقسى ويصير يعاند تعالي له من الباب اللين يعني زيني جو يوم من الايام واخذيه هذا الليوم انه هو يبدا يقول السلبيات اللي فيك و الايجابيات وانتي كذالك السلبيات اللي فيه و الاجابيات وكذا بعد الجلسه بيفكر مع نفسه وبيتغير بإذن الله


عضو

Maram

منذ 22 يوم

اذا جا يوم وكان هادي واجهيه وقولي له كذا كذا وحاول تصنعين لك جو بالبيت وكانو عادي ولمحي له انو ترى طفشت وكذا ومع الايام باذن الله يتعدل بس انتي املي وقت فراغك باشياء تحبينها

التوقيع

xx


أ.خ اجتماعية

Ebtihal

منذ 22 يوم

يمكن هو خايف تتعودين على الطلعات وتشوفين ناس تغيرك وتغير معاملتك معاه، حاولي تحسسينه بالثقة ولما تطلعين وترجعين تكونين مثل ما كنتي وأحسن علشان ما يحس ان طلعتك هي السبب، وعوديه تروحين لأهلك كل نهاية اسبوع، وتناقشي معاه بالموضوع انك تتضايقين من جلسة البيت وماحد عندك ولازم ترفهين عن نفسك وخذي الموضوع بطولة بال ونقاش وابعدي عن الجدال والهواش

التوقيع

Ebtihal


عضو

fafa500

منذ 21 يوم

مسالة الخروج ماهي سهلة يخاف عليك
لو اقارب لا باس اما صديقات هو يخاف عليك احمدي ربك ان زوجك يخاف عليك

بلغيه انك مللتي ودك نزهة معه

التوقيع

سبحان الله وبحمده


عضو

ام سعود

منذ 21 يوم

واجهيه قولي له انت منت واثق فيني
حاولي معه عشان ينقرص ويخف عنك


أ.خ نفسية

Hudil

منذ 14 يوم

حاولي تفهمين وش السبب الي يخليه يرفض تناقشي معاه بهدوء ولا تاخذين الموضوع بهواش وعصبيه ، بعض الرجال يخاف على زوجته كثير ف يسوي كذا عشان ما تنفلت من يده ، لكن زي ماقالو حسسيه بالثقه وحسسيه ان طلعاتك مجرد طلعات بسيطه وانتي محتاجها لها وانها عشانك وعشان نفسيتك.
لاتاخذين الشي بعناد وقوه لان هالشي بيحط بينكم حواجز كثيرة ، وبيعدم علاقتكم من بدايتها، الرجال يحتاج احد يسايره ويقوله ابشر ويعطيه الثقه وهو اذا حس بالثقه وحس انك حاسه فيه وحاسه بخوفه عليك رح يعطيك الي تبينه.

التوقيع

الاخصائية النفسيه : هديل .


الاكثر اجابة

315

169

165

135

137

129

114

100

88

محول التاريخ