خطبني واحد خلوق و لكن تسرعت بالموافقة

عضو

MOoOd

انا عمري ٢٦ وخطبني واحد اكبر مني بسنتين خلوق ومؤدب سمعته طيبه وظيفته عاديه وسكنه شقه عند اهله وكنت مرتاحه مع ان كل شي طبيعي ما احس فيه تميز وجت النظره الشرعية وكانت النظره قصيره جداً وافقت وحللت

وبعد التحليل لمن شفت صوره طلع غير جميل وانا جميله ومحتاره دلوني اخاف اخطي الخطوه الجايه ، تحديد ملكه وزواج واندم طول عمري واخاف اتركه وكمان اندم ساعدوني.


التوقيع

رب أغفر لي ولوالدي


منذ 22-06-2020 - 5 تعليقات - الزيارات 318 | مشكلة اجتماعية

  

نشيطة

الموناليزا

منذ 22-06-2020

حبيبتي اهم شي اخلاقه واذ هو طيب مو لازم جميل من ناحيه ملامحه اهم شي مقبول شكلاً واستخيري والله يكتب لك الخير يارب...اذ هو طيب وخلوق بعد الزواج يزين بعينك وتغارين عليه بعد هههههههه..بالتوفيق يارب.


أ.خ اجتماعية

Ebtihal

منذ 24-06-2020

اذا مانتي مرتاحة له لا توافقين، كثير وافقوا وبعدين جابت اطفال وغيرت رأيها ماتبيه وتتركه، من البداية اذا حاطة لك معايير امشي عليها لا تخلين الرجال يتوهق معاك وانتي مو متقبلته هذا زواج

التوقيع

Ebtihal


أ.خ نفسية

Hudil

منذ 25-06-2020

طالما في بالك شروط معينه ف الأفضل أنك تأخذين فيها عشان بعدين ما تقارنين بينك وبينه أو تستصغرينه بسبب شكله وتحصل بينكم مشاكل ، وإذا كان موضوع الشكل مو من اولويات شروطك فحاولي تفكرين من ناحية ثانيه الي هي انك تفكرين يمكن هالانسان يكون احسن من غيره بكثير ، يمكن ربي يسخره لك اكثر من غيره ، يمكن ربي يحطلك في قلبه محبه واحترام اكثر من غيره .
وهذي الأمور تحتاج عقل وتحتاج نرمي عاطفتنا ورا لما نفكر فيها ، استخيري والله يسخرلك أحسن خلقه .

التوقيع

الاخصائية النفسيه : هديل .


عضوة

Alanoud

منذ 11-07-2020

عزيزتي اذا استخرتي بس م ارتحتي ولا فيه قبول خلاص ارفضيه وربي يكتب لك دايم الخير

دمتي ب خير دائما وابداً

التوقيع

Nood azzam


عضو

ابو اسامة

منذ 20-07-2020

حتى لو وافقتي الان مستقبلا لو حدث بينكم اي شي بتلقين نفسك ترجعي وتقولي ليتني ماوافقت


الافضل انك تقدمي بقناعة تامة او تتراجعي بقناعة تامة واعلمي انك لن تأخذي الانصيبك الي الله كتبه لك

التوقيع

ali7223400


الاكثر اجابة

354

321

249

178

162

165

135

129

120

محول التاريخ