متزوجة من شخص مافي بيننا اي مودة او مشاعر

عضو

شيخة

السلام عليكم انا ابي حل لمشكلتي انا متزوجه من شخص مافي بيننا اي موده ولا بيننا اي حاجة من مشاعر الازواج واموره الحياتية مو تمام غير انه موظف وماديته ماش ، مر على زواجنا 3 سنوات وانا ما املك اي مشاعر له ولا تقبلته كنا عايشين بس عشان مجبورين نعيش.

المهم قبل فتره انسجن بدين وقبل م ينسجن تعرفت ع شخص بدون اي ود للتعارف مني بس مع الايام صار تواصلنا كثير لفتره طويله وبعد ما انسجن عشنا سوا احلى الايام من سوالف واهتمام لبعض وبعدها اعترفنا لبعضنا بحبنا وحبينا بعضنا بجنون وهذا كله حصل وزوجي بالسجن وطبعاً الشخص هذا ما عنده علم انو انا متزوجه لان بإعتقادي ان اللي حصل بيننا غصب عني ولا كان فيه اي تخطيط للمحبه والتعارف

مالكم بالطويله قبل لا يطلع زوجي قبلها بفتره قررت اعترف واعترفت له وعلمته عن قصتي ووضعي واخترت البعد كان هالشي صعب علينا اثنينا بس مع ذلك ما كان فيه اي دافع يخلينا نستمر رغم حبنا لبعض الا انه زواجي كان عائق كبير لنا.

بعدنا لفتره وقفلت حسابي واختفيت من كل مكان كله عشان ما يوصلني ولايحصل بيننا تواصل واحن وارجع

لكن بالنهايه هذا اللي حصل فعلاً حنيت ولا قدرت ابعد كانت ايامي ساده بدونه ولما رجعت كان كل همنا كيف نبقى سوا للاخير وما زال هذا همنا الوحيد نبي نبقى مع بعض نبي نكون لبعض شلون اخلص نفسي من زواجي الاول ؟ ابغى حلول تكفون.


منذ 14 يوم - 2 تعليقات - الزيارات 196 | مشكلة زوجية

  

أ.خ نفسية

Hudil

منذ 14 يوم

استخيري قبل كل شي وفكري بعقلانيه وادعي ربك .. يمكن الشخص الي تكلمينه مو كويس لك أو ممكن لما تتطلقين وتتركين زوجك يروح هو برضو ومايبقى لك ، انتبهي تفكرين بعواطفك هذي الامور تحتاج عقل وتحتاج أحد كبير وفاهم ينصف الموضوع، وبرضو انتبهي ان زوجك يمسك عليك ممسك بهالعلاقه لان انتي على ذمة رجال والي تسوينه غلط ف حاولي انك تكونين حريصه ماتورين زوجك الا كل خير لان لو تطلقتي وهو يدري انك تحبين غيره وقتها رح تطلعين بعيون الكل غلطانه ، انتبهي وفكري زين وراجعي الامور ورتبيها حبه حبه ولا تتسرعين عشان عواطفك.

التوقيع

الاخصائية النفسيه : هديل .


أ.خ اجتماعية

Ebtihal

منذ 13 يوم

تطلقي اذا عايشة مع شخص وتفكرين في غيره، لان محد يرضى على نفسه يعيش مع شخص عقله مع احد ثاني غيره
بس تأكدي انه شاريك واذا تطلقتي ما يبيعك وتخربين زواجك وحياتك على الفاضي

التوقيع

Ebtihal


الاكثر اجابة

315

169

165

135

137

129

114

100

88

محول التاريخ