زوجي يبيني اتوظف عشان اساعده

عضو

مطمئنه

السلام عليكم
زوجي كان شرطه لخواته قبل ، انه يبي وحده موظفه و ما علمونا انه شارط هالشرط و وقتها انا كنت موظفه و بعد الزواج بـ اريع شهور استقلت ، بالبدايه ما قال شي بس بعدين بدت المشاكل ان عنده ديون و انه كان يبي وحده تساعده في الديون

وانا ما كنت ادري عن وضعه المادي هذا الا بعدين والحين لنا سنتين كل يوم مشاكل بسبب الفلوس و بعت نص ذهبي و بيننا ولد اخرها قال لي يا تتوظفين او ترى بتزوج عليك !! وش اسوي معه.


منذ 14 يوم - 7 تعليقات - الزيارات 208 | مشكلة زوجية

  

مشرف عام

NR

منذ 13 يوم

تفاهمي معه وقولي له بالتي هي احسن ان المادة مالي علاقة فيها وكنت موظفة وربي ماكتب لي استمر فيها

وانتي شوفي وضعك اذا راغبه الوظيفه وعندك دافع تساعدين زوجك توظفي ولا انتي منتي ملزمه بمصاريف البيت.

واذا مانفع يبيله قرصه اما من ابوك او احد اخوانك او عائلته لكن خليهم اخر الحلول لا تتهورين واصبري ان الله مع الصابرين. عسى الله يفرجها عليكم وانتم ماتدرون.

التوقيع

لملاحظاتكم ارجو مراسلتي


نشيطة

الموناليزا

منذ 13 يوم

وعليكم السلام
اذ انتي تشوفين الوظيفه متنفس لك والراتب حلو توظفي وخليها مكان تغيرين فيه جو ومنه تساعدينه ..بس اشرطي عليه اذ خلص دينه تستقيلين او ماتعطينه من راتبك...ساعديه من باب الاحسان واحتسبي الاجر..والله يصلح مابينكم.


عضو

fafa500

منذ 13 يوم


انصحك بقراءة سورة البقرة يوميا بتدلك على الطريق السليم

بيكفيك الله مشاكله ويعينك عليه ويرزقكم من حيث لا تحتسبو

التوقيع

سبحان الله وبحمده


عضو

مطمئنه

منذ 13 يوم

شكراً لكم


أ.خ اجتماعية

Ebtihal

منذ 13 يوم

ابي وحدة تساعدني بالديون!

التوقيع

Ebtihal


أ.خ نفسية

Hudil

منذ 12 يوم

توظفي عشان نفسك وحاولي تصرفين الفلوس على نفسك وتخلين الفلوس الي معه يسدد فيها ديونه .. وخذي الوظيفه من باب المتنفس لك واذا حسيتي الوضع زاد عن حده تفاهمي معه باسلوب هادي وحاولي تفهمينه ان هذا الشي عليه مو عليك وواجبه مو واجبك

التوقيع

الاخصائية النفسيه : هديل .


عضوة

Alanoud

منذ يومين

عزيزتي الحياه اخذ وعطا توظفي من باب انك تساعدين زوجك ومن باب ثاني تخلين الوظيفه سلاح لك لان صدقيني الوظيفه بتخفف المشاكل بينكم وبتكونين منشغله وم يصير مشاكل ولا صداع راس ولا هم يحزنون فكري فيها

دمتي بخير

التوقيع

Nood azzam


الاكثر اجابة

315

169

165

135

137

129

114

100

88

محول التاريخ