زوجي يبيني اتوظف عشان اساعده

عضو

مطمئنه

السلام عليكم
زوجي كان شرطه لخواته قبل ، انه يبي وحده موظفه و ما علمونا انه شارط هالشرط و وقتها انا كنت موظفه و بعد الزواج بـ اريع شهور استقلت ، بالبدايه ما قال شي بس بعدين بدت المشاكل ان عنده ديون و انه كان يبي وحده تساعده في الديون

وانا ما كنت ادري عن وضعه المادي هذا الا بعدين والحين لنا سنتين كل يوم مشاكل بسبب الفلوس و بعت نص ذهبي و بيننا ولد اخرها قال لي يا تتوظفين او ترى بتزوج عليك !! وش اسوي معه.


منذ 28-06-2020 - 7 تعليقات - الزيارات 406 | مشكلة زوجية

  

FOUNDER

NR

منذ 28-06-2020

تفاهمي معه وقولي له بالتي هي احسن ان المادة مالي علاقة فيها وكنت موظفة وربي ماكتب لي استمر فيها

وانتي شوفي وضعك اذا راغبه الوظيفه وعندك دافع تساعدين زوجك توظفي ولا انتي منتي ملزمه بمصاريف البيت.

واذا مانفع يبيله قرصه اما من ابوك او احد اخوانك او عائلته لكن خليهم اخر الحلول لا تتهورين واصبري ان الله مع الصابرين. عسى الله يفرجها عليكم وانتم ماتدرون.

التوقيع

لملاحظاتكم نرجو مراسلتنا عبر حسابنا في تويتر


نشيطة

الموناليزا

منذ 28-06-2020

وعليكم السلام
اذ انتي تشوفين الوظيفه متنفس لك والراتب حلو توظفي وخليها مكان تغيرين فيه جو ومنه تساعدينه ..بس اشرطي عليه اذ خلص دينه تستقيلين او ماتعطينه من راتبك...ساعديه من باب الاحسان واحتسبي الاجر..والله يصلح مابينكم.


عضو

fafa500

منذ 28-06-2020


انصحك بقراءة سورة البقرة يوميا بتدلك على الطريق السليم

بيكفيك الله مشاكله ويعينك عليه ويرزقكم من حيث لا تحتسبو

التوقيع

سبحان الله وبحمده


عضو

مطمئنه

منذ 28-06-2020

شكراً لكم


أ.خ اجتماعية

Ebtihal

منذ 28-06-2020

ابي وحدة تساعدني بالديون!

التوقيع

Ebtihal


أ.خ نفسية

Hudil

منذ 29-06-2020

توظفي عشان نفسك وحاولي تصرفين الفلوس على نفسك وتخلين الفلوس الي معه يسدد فيها ديونه .. وخذي الوظيفه من باب المتنفس لك واذا حسيتي الوضع زاد عن حده تفاهمي معه باسلوب هادي وحاولي تفهمينه ان هذا الشي عليه مو عليك وواجبه مو واجبك

التوقيع

الاخصائية النفسيه : هديل .


عضوة

Alanoud

منذ 09-07-2020

عزيزتي الحياه اخذ وعطا توظفي من باب انك تساعدين زوجك ومن باب ثاني تخلين الوظيفه سلاح لك لان صدقيني الوظيفه بتخفف المشاكل بينكم وبتكونين منشغله وم يصير مشاكل ولا صداع راس ولا هم يحزنون فكري فيها

دمتي بخير

التوقيع

Nood azzam


الاكثر اجابة

354

321

249

178

162

165

135

129

120

محول التاريخ