ابي اكون قوية وما ايأس من كلام الناس الي حولي
عضو
shahad
السلام عليكم باختصار انا بنت عمرى ٣٠ سنه ارتبطت بملكة فقط وانفصلت قبل الزواج بكم شهر
والحمدلله متاكده من قرارى ومستخيره انا جميله ومتعلمه ومحترمه وماهو ناقصني شي لكن اعوذ بالله من الناس وكلامهم ونظراتهم وتصرفاتهم كأن فيني عيب ! او كأني محرومه من الجنه ! او كأن نصيبي وقف وان الله مابيعوضني بغيره؟؟؟ والكل يقول وصلتي لهالعمر مفروض ترضين باي شي ؟؟؟؟؟؟؟
غير نظرات الشفقه اللي اشوفها! انا راضيه ومرتاحه ومتيقنه ان الله بيعوضني بالافضل وان العمر مجرد رقم وانه راح يجيني شخص اتمناه لاني متمسكه بالله وبالدعاء لكن تجيني فترات اضعف من كلام اهلي وتصرفات الناس اللي حوليني واحزن كثير وأيأس واكره وجودى بينهم
اولا اتمنى منكم الدعاء ثانيا اتمنى تقولون لي كيف اكون قويه وما أيأس ومااسمح لاحد ينقص من ثقتي بنفسي.
منذ
08-07-2020
- 3 تعليقات -
الزيارات 180
| مشكلة اجتماعية
أ.خ اجتماعية
منذ 08-07-2020
انتي مكتفية بنفسك، ماعليك منهم ولا عليك من كلامهم
كلهم كذا ينظرون لك دايم كأن الرجال هو الي بيكملك ولا بتكونين ناقصة، بالعكس اثبتي لهم انك اقوى وما هموك، ونصيبك اذا ربي كتبه بيجيك
تعديل التعليق
نشيطة
منذ 08-07-2020
وعليكم السلام
لاتهتمين لكلام الناس ونصيبك بيجي ان شاءالله..وطوري من نفسك وانشغلي باي شغله تجاره الكترونيه او دورات او تطوع..وتوك صغيره والعمر قدامك ان شاءالله.
تعديل التعليق
عضو
منذ 09-07-2020
وعليكم السلام ..الحلو فيك انك انتي تجازفين رغم الكلام الي تسمعينه وبالنسبه لتدخل الناس بحياتك من ناحية ماتزوجتي وانتي بهالعمر الرجل عمره مابيكون كمال لحياتك او ضروري الحمدلله انتي مو رافضه نصيب ولا حاطه ببالك عنوسه انتي فقط متأمله بالأحسن والناس تتكلم حتى عالشي الصح وتقول انه خطأ يكفي كلمتهم ارضي بأي شي يعني هم يشوفون الزوج بحياة الانثى جداً ضروري ولو ماكانت متزوجه يعني عمرها راح؟ خطأ العمر اهداف واماني وتحقيق حلم وانجاز قبل يكون لزوج
تعديل التعليق