تزوجت واحد ما ارغبه و ابكي كثير

عضو

الله يسعدكم

السلام عليكم ورحمة الله وبركاته

الله يسعدكم ابي مشورتكم مرررا ضايقة فيني والله لي سنة وشوي.

أبوي جبرني اقبل بواحد انا ما ارتضيته وربي من الله ما حبيته ابدا كل ما اتصل ولا سمعت صوته تجيني ضيييقة. وفجأة ابوي قالي الزواج الاسبوع الجاي وربي جيت اموت مو عارفة ليلي من نهاري وجا اليوم اللي حددوه و اخذني وسافرنا وانا مو عارفة اش اسوي.

الحين ابى اكلم الرجال واقوله نقعد فترة ونطلق وبدون مايقرب مني بس مو عارفة كيف افاتحه بالموضوع واني مغصوبة عليه ومو عارفه اش اقول لأبوي سبب الطلاق

ريحوني الله يسعدكم والله لا يخليكم تجربون هذا الشعور وانا واثقة ان ربي بيفرجها ومنتظرة هذا الفرج بفارغ الصبر بس الله يسعدكم لحد يقولي يمكن هو خير لك ؛ الله رب الخير وعسى الله يكتبلي خير افضل منه وانا والله مو بيدي اقسى عليه وضميري مرا يأنبني بس اش اسوي مو بيدي وما ابي اظلم أحد معاي وربي كل ما كلمني ورديت بقساوة اروح ابكي من القهر انا مو كذا بس تعبت وحرفيا ما ابغاه


منذ 10-07-2020 - 4 تعليقات - الزيارات 371 | مشكلة زوجية

  

عضوة

Alanoud

منذ 10-07-2020

وعليكم السلام..

عزيزتي دام تكلمون بعض سنه ليه م قلتي له انك م تبغينه عشان نفسيته ونفسيتك انتي وعشان م يصير طلاق بينهم بس الحين اتوقع الوضع يكبر اكثر من الاول حاولي قد م تقدرين انك تجيبينها له ب الحسنى وتقولين له المحبه والقبول من الله ويمكن هو ربي يوفقه مع غيرك وانتي كذلك

دمتي بخير

التوقيع

Nood azzam


أ.خ اجتماعية

Ebtihal

منذ 11-07-2020

مفروض قلتي له ماينفع كذا تتزوجينه وتقولين طلقني ما تلمسني هو ايش ذنبه جالس ينتظرك كل هالوقت اخر شي تقولين له طلقني

التوقيع

Ebtihal


نشيطة

الموناليزا

منذ 11-07-2020

وعليكم السلام
فاتحيه بالموضوع وقولي خل الكلام بيني وبينك اذ هو متفهم ..والله يكتب لك الخير.


عضو

Lolu

منذ 12-07-2020

السلام عليكم ..
((وعسى ان تكوهوا شيئاً وهو خيراً لكم ))
يعني لو ماكان مكتوب لك او ربي اراد ان يصرفه عنك كان اشاء ولاكن مكتوب لك وماتدرين يمكن لو تنفصلين منه تطيحين بواحد تحمدين ربك ع زوجك الاول الي تزوجتيه عن طريق ابوك والمفترض انك تتعمقين مع زوجك وتعاملينه بأحترام وتتبادلين معاه المشاعر لانه مو مقصر ولاقاسي معك ولا متسلط اتمنى لك حياة سعيده وراحه ابديه .❤️

التوقيع

Lul


الاكثر اجابة

354

321

246

178

174

165

159

135

129

محول التاريخ