ØÙŠØØØ ÙØÙŠØØتي ÙÙŠ
عضو
طالب
السلام عليكم ورحمة الله وبركاته
بقولكم قصتي الي مقدرت انساها انا طالب جامعي كنت راغب تخصص معين ودخلته وما جاني قبول في التخصص هذا الا في مدينة بعيدة عن اهلي فتوكلت على الله ورحت هناك ادرس .. طبعا جيت عن طريق سابتكو وأستقبلني احد اقاربي وهو اكبر مني وأخذني لبيتهم .. اول ما سكنت عندهم كنت في معاناة بصراحة بحكم العادات والتقاليد .. فبدت معاناتي تزيد لدرجة اني ماقدرت ارتاح نفسيا .. فيوم من الايام سافروا بعض من اللي في الببيت ابوهم واخوهم الكبير للخارج وكانوا توهم مسوين مجلس رجال جديد جنب غرفتي .. اثناء ما كان الاب والاخو الكبير في الخارج صاروا بناتهم يدخلون لمجلس الرجال ويعزمون صديقاتهم فيه لدرجة واحيانا وانا بغرفتي اسمع اصواتهم وضحكاتهم ومستانسات وانا جالس بغرفتي مقدر اطلع حتى اقسم بالله ابي اروح للمسجد اصلي مو قادر فصرت اصلي بغرفتي .. طبعا سووا اكثر من عزيمة لصديقاتهم حتى امهم بعد عزمت صديقاتها وقلطتهم في مجلس الرجال والسبب لأنه مجلس جديد !!يعني ضاقت عليكم الاماكن الا تعزمون صديقاتكم في مجلس الرجال ؟ فأنا ما علمت ابوهم او اخوهم عن اللي صار لأنه حتى لو علمتهم وضربوهم ولعنوا خامسهم البنات راح يطلعون علي سالفة كذب من عندهم وينشرونها بين الله وخلقه ..
انا من بعد السالفة هذي اقسم برب العزة والجلال حقدت عليهم حقد مو طبيعي ونفسي انتقم وأخذ بثاري منهم لكني مو قادر عشان السبب اللي قلته لكم .. غير كذا صارت تمر علي ايام والله ما اقدر انام ولا اقدر ارتاح وكل شوي اتذكر السالفة هذي وذهني دايم متشتت وبالي مو مرتاح .. حتى اني طلعت من عندهم وصرت مستقل لكن للحين بالي مو مرتاح ابد وربي تعبت من السالفة هذي ماقدرت انساها الى يومنا هذا ولا قدرت اسوي شي !!
كيف انساها وما ابيها تأثر علي في حياتي؟؟
ملاحظة: ارجوا ان محد ينقد علي بسبب موضوعي هذا
منذ
23-07-2020
- 10 تعليقات -
الزيارات 1120
| مشكلة اجتماعية
عضو
منذ 24-07-2020
لا تنسى يا اخوي انك ساكن في بيت غريب
يعني بدون زعل مالك حق تتشرط!!
تعديل التعليق
نشيطة
منذ 24-07-2020
وعليكم السلام
ماضي وانتهى ..ركز بدراستك وخل الامور هذي لاتشتت ذهنك وعادي تصير ببيوت كثيره بيتهم وهم احرار فيه..شل السالفه من راسك افضل لك ..بالتوفيق يارب.
تعديل التعليق
خبيرة
منذ 24-07-2020
المعذرة ولكن الموضوع أبسط من كذا !!
البيت بيتهم.. والمكان مكانهم.. يسوون الي يبونه ويعزمون مين مايبون وبالمكان الي يبون هذا حلالهم والغريب مايحاسبهم عليه لأنهم ما أذوك بشي هم ببيتهم مو ببيتك! فمالك حق تتشرط ولا لك حق تتكلم وتعلم ابوهم او اخوهم، هذا بيت أنت ساكن فيه تحترم اهله وتحترم كل من فيه وكل الي يسوونها ف ماله داعي سالفة انك تقول بنتقم !
غير هذا كله ، مفروض من اول تكون مستقل عنهم عشان تقدر تركز بدراستك وتركز بحياتك افضل لك ولهم .
وشكراً لك واعتذر عن التجريح .
تعديل التعليق
عضو
منذ 24-07-2020
ابو وليد
هم غصبوني اسكن عندهم مهو رغبة مني ولا انا كان ودي استقل
تعديل التعليق
عضو
منذ 24-07-2020
الموناليزا
ماهم احرار اذا هم استضافوني بالقوة المفروض يحترموني
تعديل التعليق
عضو
منذ 24-07-2020
Nourah
انا كتبت ملاحظة فوق اني ما ابغى احد ينقد علي رجاء
سكنت لوحدي لكن برضوا السكن اللي انا كنت فيه سيء جدا ولقيت سكن حلو لكنه غالي
انتي ماتدرين عن الظروف بس تبربرين على الفاضي !!!ّ
تعديل التعليق
منذ 24-07-2020
عليكم السلام
اولاً اتخاذك لقرار الجامعة صحيح اما اتخاذك لقرار السكن خطأ ولكن حصل ما حصل !!؟
ياصديقي الحقد لن ينفعك والانتقام لن يفيدك ؟ ركز في ما تطمح اليه فمجرد نجاحك سيتذكرون هم م حصل منهم لك ومع ذلك اثبت لنفسك ولغيرها انك اقوى من ازعاجهم وستبقى قوي حتى تحقق ما تريد.
فإذا صبر الإنسان نفسه ، وامتثل أمر ربه ، وعرف جزيل الثواب ، وعلم أن مقابلته للمسيء بجنس عمله ، لا يفيده شيئًا ، وأن إحسانه إليه ، ليس بواضع قدره، بل من تواضع للّه رفعه ، هان عليه الأمر ، وفعل ذلك ، متلذذًا مستحليًا له . (وَمَا يُلَقَّاهَا إِلا ذُو حَظٍّ عَظِيمٍ) لكونها من خصال خواص الخلق ، التي ينال بها العبد الرفعة في الدنيا والآخرة ، التي هي من أكبر خصال مكارم الأخلاق.
ثانياً باختصار يا صديقي اذا لا تريد ان تاثر على حياتك كن شجاعاً وانساها كن قوي ولا تحقد وطالما انك استقريت عليك بان تنسى كل ما يعكر صفوك وكل ما يشتت ذهنك ونقي قلبك دع الأيام تثبت لك كلامي وركز وركز وركز في دراستك .
دمتم بصحة وسعادة
تعديل التعليق
عضو
منذ 25-07-2020
ياشيخ لو اني مكانك واقسم بالله لا اخذ عفشي واقرب سكن ان شاء الله غالي اشتري راحة بالي و اخرج وادخل على كيفي بعدين بتدرس انت طول السنه وانت ساكن عندهم صعبه حتى لو غصبوك لازم تتفهم من نفسك
تعديل التعليق
عضو
منذ 27-07-2020
مهما يكون المثل يقول ي غريب كن أديب وانت بتصرفك هذا عين العقل إنك م تكلمت ولا سببت مشاكل وهذا بيتهم هم غصبوك تسكن معهم من باب العيب والحشيمه لك م دروا إنك تتكلم عن اهل البيت وحرمته كذا وغير كذا اصلا كيف رجال البيت سمحلك تقعد ومافي احد بالبيت غير بس بنات وامهم مفروض من العيب انك طلعت بما إن رجال البيت مسافر عيب انت تقعد عندهم وفوق ذا كله تقول يعزمون ويسوون اكيد بيتهم ولهم الحق وبما إنك الحين طلعت خلاص لاتفكر فيهم ولاشي ركز بدراستك ونجاحك وتخرجك وبس
تعديل التعليق
عضو
منذ 28-07-2020
وعليكم السلام .. انت تقول القصه كان مكانك اللي جالس فيه هذا بيتهم واكيد بياخذون راحتهم ف مره طبيعي اللي صار يعني م يعزمون أحد عشان انت لا طبعا ف الواجب انت تحترم مب هُم .
تعديل التعليق