زوجي ما يساعدني اثناء حملي

عضو

مثقله

السلام عليكم ما اعرف هذي مشكله ولا فضفضه بس محتاجه اتكلم انا ٢٤ ساعه طاقه سلبيه وبس ابي اصيح انا عندي بنت عمرها سنتين ونص والآن حامل حملت لاني نسيت حبة منع حمل يعني ما كنت ابي ولا زوجي وفكرت بالإجهاض اول شهر وبعدين تعوذت من الشيطان وحاولت أتقبل الموضوع بس ابدا مو قادره اببدا تعبانه اقسم بالله ولا احد يساعدني كل ماقلت لزوجي شيل عني بنتك شوي ابي ارتاح بقعد مع نفسي شوي يقول من قالك تحملين ومن ضربك عل ايدك احملي وصرت نهاائي ما افتح معاه موضوع الحمل شهرين كامله ما تكلمنا فيه وانا كل ما شفت بطني يكبر اصيح ولا احسني قد المسؤوليه يالله تعبت تعبت من التفكير والله وأدري تفكيري غلط بس مو قادره أتقبل هالشي موو عارفه ليه.


منذ 28-07-2020 - 3 تعليقات - الزيارات 265 | مشكلة زوجية

  

عضو

wid

منذ 28-07-2020

وعليكم السلام .. حبيبتي هاذي نعمه من الله لاتزعلين او يضيق خلقك الطاقه السلبيه اللي فيك حاولي تطلعينها في شي إجابي اذا كنتي كارهه الحمل ( عسى أن تكرهو شيئاً وهو خيرٌ لكم ) م تدرين اذا ولدتي ب السلامه يكون وجه خير عليك ب النسبه لزوجك لاتقولين له شي دام م يحفزك او يشيل عنك لان من كلامه انتي كذا يكون عندك إحباط وكل شي عندك مو مقبول وهذا الشي مو زين لك انتبهي لنفسك وان شاء الله الله يسهلها عليك .


عضوة

Alanoud

منذ 28-07-2020

وعليكم السلام عزيزتي حاولي قد م تقدرين أنتي تجيبين الطاقه الايجابيه لك م عليك من اي احد يسوي لك شي سلبي حبي نفسك وعيشي لنفسك وم تدرين الرزق اللي بيجي مع الطفل ادعي ربي براحه والطمأنينه والله يرزقك اللي تحبينه

دمتي بخير

التوقيع

Nood azzam


خبيرة

Nourah

منذ 28-07-2020

وعليكم السلام
حبيبتي انتي قاعده تحسسين نفسك بالضيقه والسلبيه وهذا ينعكس على الجنين الي ببطنك ! ماتدرين وش ربي مسخرلك وميسر لك في هالحمل ابعدي عنك الافكار السيئه خلاص وارضي بكتبه ربك ولاتكونين سلبيه بالعكس اطلعي من المود وخليك ايجابيه ترى هذي مسؤولية وحمل وانتي جبتي قبله ف انتي قد هالمسؤولية اكيد! زوجك مرده يتقبل الحين ولا بعدين يمكن هو شايل هم مصروف او شايل هم اشياء ماتدرين عنها اعذريه واذا تقبلتي انتي بيتقبل غصب عنه!
لاترفسي النعمه برجولك احمدي ربك واشكريه انه كتب لك هالحمل لانك ماتدرين وش الخيره فيه.

التوقيع

Noura


الاكثر اجابة

354

321

246

178

174

165

159

135

129

محول التاريخ