السلام عليكم وكل عام وانتم بخير

اخواني انا عمري 20 سنة و عندي مشكلة فشخصيتي مادري متى بدات معي ، احس ان عندي رهاب اجتماعي استحي اتكلم قدام ناس الا لما اكون امون عليهم ( وهم ينعدون على الاصابع ) اخذ راحتي بس عند عماني عند خوالي عند الناس الكبار استحي جداً اني اتكلم احس اني ضعيف شخصية الناس تاكل حقوقي بالساهل وماني قادر ارد مو خوف بس مدري وش اقول واذا عصبت او تكلمت عليه قعد يضحك هو والناس اللي حوالي صارت لي كثير لدرجة اللي ياكل حقي خلاص اسكت ماقول شي

احس الناس كارهتني تماماً مافي احد طايقني ماحد يحب الطلعة معي والجلسة معي وهالشي خلاني من 5 سنوات عايش فالبيت ونهائياً ما اطلع عيشتي على الافلام والتلفزيون والكورة وبس انا شخص تقدر تقول تفكيري اكبر من عمري بكثييير وماحب احتك مع الناس اللي تفكيري يناسب تفكيرهم بسبب فارق العمر وايضاً اللي فعمري احس انهم مايطيقوني لان تفكيري غثيث بالنسبة لهم الناس ماهي حريصة علي متاكد بنسبة كبيرة ان المشكلة غالباً من عندي ممكن السبب ان شخصيتي فيها ثقل انا شخص ثقيل لما اكون مامون عليك صعب اضحك عادي ابتسم معك واسولف على خفيف بس اضحك واخذ راحتي لا وسواليفي الابوكلب ماعرف اسولف ولا اعرف افتح موضوع ولا اعرف اذب وجهي على الناس لاني في نفسي احس اني اثقل عليه او اني شخص غير مرغوب فيه عنده وبرضو احياناً اخاف انه يفشلني او يزبد لي لذلك ماحتك

وعندي سؤال اخير لي سنة ادور جواب لكن ماعرفت ، ليه فيه اشخاص دايم لما تجي مكان كل الناس تحب تجلس عنده وتسولف معه وتضحك معه لاحد يقولي اخلاق وماخلاق انا شباب وهو شباب وحركاته نفس حركات باقي الشباب بس ليه هالحب من الناس؟ ابغى سبب فالشخصية بيجي احد يقولي لانه يعبد ربه وقريب من ربه هذا شي اكيد بس ابي شي منه هو وش اللي يسويه عشان يلقى كل هالحب من الناسفي النهاية ماني شايف احد يحبني غير الوالد والوالده واخواني الله يخليهم لي.

منذ 31-07-2020 - 7 تعليقات - الزيارات 1414 | مشكلة نفسية