صديقتي جابت أول مولود و ظروفي المالية صعبة

عضو

بنانه

لي صديقة ولدت اول مولود قبل مده لكن انا امر بظروف مالية صعبة لكن ما احب اقول لاحد ومستحيه اروح لمها ببيت اهلها ويدي فاضيه خصوصا اني ماشفتها من مدة طويله مع اني كلمت اهلي رفضوا وانا عاذرتهم لإن المبلغ اللي عندنا هالشهر يادوب يكفي اساسيات البيت ولكن كلمتها بالجوال وباركت لهها بعدها بايأم بدت تقط كلام وان فلانه اللي مادرست معي الا سنه جتنى وفلانه جابت لي احس اني مكسوره وما ابي اخسرها بنفس الوقت لي عمر معها
وش رايكم!!!؟


التوقيع

اللهم أرزقني العفو والعافية


منذ 11-01-2021 - 3 تعليقات - الزيارات 183 | مشكلة اجتماعية

  

عضو

محمد

منذ 12-01-2021

اييييييه يالحريم يعورن بالراس ههههه وش التفكير ذا ، خلاص ولدت وباركتي لها بالجوال او رسالة وادعيلها وتعذري منها ماقدر ازورك لانشغال شايبنا وان شاء الله لسنحت لي الفرصه بسير عليك تصريفه ، وانتي لا تفكرين فيها انسي موضوعها ولا تقولين ايه مرسله عشاني وماني لا تتحسسين ولا تتابعينها سناب ،
الحين الاوضاع تغيرت والمادة قلت والرجال انضغطوا يلقونها من الضرائب والمخالفات ولا من الحريم ههههه وقهاويهن ، انا منيب ضد البنات بس كلن يمد لحافه على قد رجله تكرمين ومن يقراء ، الاوضاع باتت بصعوبة حتى الغني صار يمسك رياله ، يالله يصرف على اهله وبيته ، تبينه يحقق لفلانه وعلانه عشانها والد ، الاطفال الحين مشقة الدنيا بعد ماكانت زينه والي يجلطك زيادة كل ماولدت تبي حق ههه ،، المهم كل كلامي هـذا سوالف ، انتي لاتشيلين هم ولا تهتمين تقصدني ولا ماتقصدني لاتهتمين وحاولي تتجاهلين السناب خلي عندك ثقه بنفسك وحافظي على زوجك وبيتك واعيدها لاتهتمين لسفائل الامور اللي يحبك ما راح يخسرك مهما كان وراح يقدر الظروف بدون ماتشرحين له ظروفك ، وفقك الله

التوقيع

إذا رأيتَ مَن تُحب ... ابتسم! ليَشعُرَ بحبك.


عضو

بنانه

منذ 12-01-2021

محب احد ينظر لي نظره اخرى وخاصتاً اذا كانت صديقه لي، لكن ربي العالم بالظروف، وكلامها تحسست منه مررره وبعض المرات اقول ليتني ماتصلت عليها كان افضل!؟

التوقيع

اللهم أرزقني العفو والعافية


عضو

محمد

منذ 12-01-2021

انتي تتحسسين من الموضوع وهو شي عادي يمكن قصدها وقصدها :) ، لاتاخذين بالظن ،
طنشي ، السلام عليكم وعليكم السلام وبس والصديق الحقيقي يرجعلك ولا تغيره الظروف ..

التوقيع

إذا رأيتَ مَن تُحب ... ابتسم! ليَشعُرَ بحبك.


الاكثر اجابة

354

321

246

178

174

165

159

135

129

محول التاريخ