عضو

ام اولادي

السلام عليكم مشكلتي زوجي متزوج علي ثانيه يوديها السوق وبعض المحلات وبنفس ليلتي يوديها خواتها ويجيبها

واذا زعلت وتكلمت يروح ينام عندهاا يقول ثاني مره يوم اجيك ماتزعليني ولا تطفشيني وانا مايوديني السوق

يعطيني فلوس ويقول روحي مع ولدك ويوم تكلمت عن العدل يقول انا اعرف العدل
حتى احيان يجيني بنفس ليلتها ويجامعني وانا انسانه اغار طفشت من نفسي اذا طلع معاها افكر وابكي كل الوقت حتى اولادي نفسيتهم تعبت منه


منذ 28-04-2021 - 6 تعليقات - الزيارات 206 | مشكلة زوجية

  

عضو

رمانه

منذ 28-04-2021

الغيرة عندك عالية
هو تزوج وخلاص قفلي الموضوع من هالناحية ومن الناحية الثانية من كلامك هو مو مقصر معك ونفسية العيال من نفسيتك، اهتمي بنفسك وبعيالك

حاولي تخطي الموضوع من زواجه الثانية ، وان قدرتي راح تعيشين حياتك بلا نكد

التوقيع

اللهم صلي وسلم على نبينا محمد وعلى اله وصحبه أجمعين


منذ 28-04-2021

كم عدد ابنائك ؟
الرجل يحب اللي تهتم له وفيه ويحب سليطة اللسان بسنع وبلباقة واسلوب جذاب ودهاء .
الرجل لا يحب المرأة اللي بس عيونها له وخرسا ولا تعرف تتكلم اذا جلس معها بس تخزه ونفسها على راس خشمها ، جيبي له قهوة عصير ماء اي شي ، سولفي معه بحديث شجي ولبق وش سويت اليوم كيف كان يومك عسى ماتعبت ، خلال السوالف تبيني اهمزك اذا انك تعيبان ،
خليك مشعة ومزهره وبروح وحيويه مرحة وتستانسين اذا جاك وياهلا يابو فلان البيت بدونك مايسوى انا أحبك واغليك ، والله يابو فلان انت الحبيب وانت نور حياتي ، عيالك يحبونك ويحبون انك تكون موجود ، لو انك زعلانه جامليه بسلوب وحديث لبق ، وعلمي عيالك على يبوسون راسه ابوهم اذا جاء يقولون له ما جور ابوي ،
اذا جاء بيطلع من البيت اطلعي معه لين الباب وقولي الله يحفظك الله يسمح دربك ، وترجع بالسلامة ، خليك عااااديه جداً كانه ماتزوج عليك ،
لاتفكرين بزوجته ابد انسيها كأنها مو موجوده ، لاتهتمين ولا تغارين ، ولا تفكرين يوديها وين ويجيبها من وين .. لا تشغلين نفسك فيهم لو يجيب لها العثيم للبيت لا تهتمين كأن شي لم يكن ،

اللي فهمته ان ولدك يسوق سياره ؟ يوم قال روحي مع ولدك ؟
اذا ولدك يسوق ، انسي الاب من ناحية الطلبات ود وجب لا تشغلينه اذا تشوفين مزاجه سيء ،
قولي ياقلـبي اليوم بطلع مع ولدي للمكان الفلاني بعد اذنك حياتي ، ان قال لا قولي تحت امرك وابشر ، حتى ينحرج من نفسه لو مو من اول مره لو تكرر بعدين ، عشان يعرف انك راضيه عنه ،، ومع الوقت يبدا يحترمك وقدرك ..

الكلام عن الحياة الزوجية يطول لو بتكلم ما راح اخلص ،،

بسلوبك ولباقتك واحترامك لزوجك اذا هو يفهم ويقدر الحياة الزوجية بيصير رجل سوي وحبوب معك ، وحتى تلاحظين تغيره معك يبدا يحبك ويحتويك ويحب يجلس معك ، دعيه دائم مبتسم بسلوبك ، حتى يكون مرتاح معك وعندك ،
حاولي بقدر المستطاع تربية ابنائك على الحب والاحترام والتقدير ، طبعاً قبل كل شي انسي ان بينك وبين زوجك زوجة اخرى ، حتى تسير معك الحياة حلوه ،

لاحقاً .. اذا اسلوبك زان وتصرفك مع زوجك وحبيتوا بعض من جديد واستمريتوا شهور او سنوات ، اذا فيك ذكاء تتقبلين زوجته الثانية بحب واحترام تعتبرينها الاخت الثانية لك ،،

للمره الثانية الحديث عن الحياة الزوجية لا ينتهي ، اتمنى ان لا أكون قسيت عليك لان الحياة تحمل القساوة في بعض اوقاتها ،
اتمنى لك حياة سعيدة وجميله ^_^


عضو

محمد

منذ 28-04-2021

نسيت نقطه مهمة ،
خلال وقت النوم خليه يتوسد ذراعك اليسار ولميه لك ، احتويه واهمسي له أحبك حبيبي ،
خلي ليلتك دائماً ليلة حب نقاء وصفاء ، بوسي عينيه قبليه ع شفتيه، وحاولي يبادلك نفس التصرف حطي راسك على ذراعه ، وسأليه هل توجعك ذراعك اذا توسدتها ، ولا تطولين بدلي الحركات ، اهمسوا لبعضعكم أعشقك واتنفسك ،
ناموا بالاحضان لتستيقظوا مبتسمين

اتمنى لكم حب سعيد

التوقيع

إذا رأيتَ مَن تُحب ... ابتسم! ليَشعُرَ بحبك.


عضو

ام اولادي

منذ 29-04-2021

عندي اولاد وبنات ربي يحفظهم
لكن التصرفات هي الي تضايقني


عضو

محمد

منذ 29-04-2021

حاولي تقصمين ظهر البعير بسلوبك الجميل

التوقيع

إذا رأيتَ مَن تُحب ... ابتسم! ليَشعُرَ بحبك.


عضو

محمد

منذ 29-04-2021

ربي يحفظك لهم ويحفظهم لك

التوقيع

إذا رأيتَ مَن تُحب ... ابتسم! ليَشعُرَ بحبك.


الاكثر اجابة

357

333

246

234

190

165

159

135

130

محول التاريخ