عضو

islam12

السلام عليكم ورحمة الله
انا شاب عمري ٢٨ سنة كنت راكب الميكروباص و اعقدت جمبي ست كبيرة في السن اعقدت تتكلم معايا في حال البلد كورونا و الأوضاع و كده الكلآم جاب بعضه و سألتني انت مرتبط قولتلها لاء قالتلي انا عندي عروسة قولتها طيب أشوفها إزاي راحت طلعت من شنطتها ورقة مكتوب عليه رقم تليفون وقالتلي كلمني اي وقت كلمتها انا بعد يومين على العروسة قالتلي أصبر عليه احدد ميعاد و تروح تشوفها حبيت اطمن أكتر كلمتها و طلبت منها معلومات عن أهل العروسة قالتلي لما تطلع تشوفهم الأول و حددت ميعاد إني أشوفها و بالفعل روحت الميعاد و أخدت أخويا معايا و شوفت العروسة و عجبتني و اتعرفت بأهلها و قولتلهم يومين كده اكلم امي و حنرد عليكم في خلال اليومين دول روحت أسأل عليهم في الشارع اللى ساكنين فيه بعد ما عرفت أسمائهم سألت المحلات كلها مفيش حد يعرفهم وبعد طول البحث عن حد يعرفهم في المنطقة سألت صاحب العمارة اللي ساكنين فيها قالي هو يعرفهم و قالي ناس كويسة و محترمين و في حالهم ماليهم اختلاط بحد سألت كمان جارهم في نفس العمارة عليهم قالي ناس في حالهم ولما سألت عن أخلاق البنات قالي جرب المهم عدو اليومين و جبت أمي و حددت ميعاد عشان نقرأ الفاتحة و الحمد الله قرينها و شربنا الشربات اخويا يوم قراية الفاتحة اعجب ب اختها و بعد كده أخويا قالي انه عايز يقرأ فاتحة على اختها كلمت والد البنت اللي قريت فتحتي عليها و قولتله اخويا طالب ايد أختها قالنا هي عندها عقدة من الجواز بسبب خطيبها الاولاني كان بيضربها المهم قالي ل أخويا أخرج معاها صحاب و لو العقدة اللي عندها راحت و قالتلك نكمل تبقى تخطبها المهم انا روحت زيارة ل البنت دي لوحدي زيارة البيت و كانت محترمة معايا جدآ و بعد كده اخوها قالي زيارة البيت مش حتخليكوا تقربوا من بعض قالي ابقوا انزلوا مع بعض اتكلموا و اتعرفوا على بعض قولت ل أبوها قالي ماشي انزلوا و بالمرة جيب اخوك معاك ينزل مع أختها عشان العقدة إللي عند اختها و يتعرفوا على بعض بردوا نزلنا كتير و كنا بنرجع كلنا مبسوطين و جيه ميعاد الخطوبة و خطبتها و بعد الخطوبة ما خلصت لقيت أمها بتقولها حطي ايدك في ايد خطيبك وانزلي رافعة رأسك فوق استغربت جدآ من الكلمة دي و نزلنا مع بعض و اخويا طلب من أختها أنه يخطبها قالتله خلينا صحاب و أخوات المهم بعد خطوبتي انا لقيت خطيبتي جريئة شوية كانت بتستغل اي فرصة و عايزة تعقد على رجلي و عايزة تبوسني و بوسنا بعض كتير و كان في تجاوزت تانية ما عدا الشرف و اخت خطيبتي بتعمل تجاوزات مع أخويا و كلام في الجنس مع أنهم صحاب ذي ما بتقول مرة من المرات ذي ما بننزل مع بعض كلنا خطيبتي قالت ل اخويا انا عايزاك تظبط أختي و بتعمل إشارات با ايديها مش كويسة انا اضايقت صراحة فقولتلها قدام الناس في مكان عام احترمي نفسك ايه الحركات دي وكده المهم بعد كده روحنا البيت عندهم زيارة انا و أخويا كانت خطيبتي بتتعمد تلبس لبس خفيف و أختها بتلبس لبس مثير و أهلها بيبقوا قاعدين معانا أبوها بيقولي هات خطيبتك سكة هزر معاها و يقول ل اخويا أختها بتحب الهزار هزر معاها و كلام مش حلو و بعد مدة بسيطة كنت قاعد مع خطيبتي في مكان عام و طلبت اشوف تليفونها رفضت و مرة تانية بعد مدة بسيطة مسكت تليفونها و اكتشفت في محادثات واتساب أنها كانت على علاقة بشخص قبلي سألتها مين ده اتخضيت و اعترفت أنها كانت ماشية معاه بعلم أبوها لمدة ٣ سنين قولتها الكلآم ده من أمتى قالتلي من سنة فاتت زعلت منها جدآ أنها خبت عليا عشان انا سألتها في فترة التعارف و قالتلي ان انا اول واحد في حياتها ولما سألت أبوها عن الشخص ده قالي ايوة انا كنت عارف انها كانت على علاقة بيه و بيتقابلوا قولتله الكلآم ده من أمتى قالي من زمان قالي يعني من ٧ سنين فاتوا و البنت قالتلي من سنة و محادثات الواتس بينها و بينه من سنتين المهم طنشت و كملت عادي قولت ده ماضي و ما يهمني طلبت منها باسورد الفيسبوك عشان أبقى اراقبها الصراحة كنت بشك فيها جدآ و بعد اسبوعين لقيت رسالة من الشخص ده بيسأل عنها انا فتحت ايميلها من تليفوني و كلمته قالي انت مين قولتله خطيبها قالي انا بسأل عليها دي ذي أختي اتضايقت جدآ و كلمتها تاني و قولت ل أبوها عن الموضوع ده قالي حنغير حساب الفيسبوك و رقم تليفونها و قالي كمان لو الشخص ده كلمك و بعتلك شتايم قولي وانا حتصرف معاه المهم طنشت وكملت الموضوع خصوصا ان انا بحبها و عدت فترة بسيطة و بدأ يبقى في فتور واضح في علاقتنا الثقة ما بينا اتكسرت والشك فيها من ناحيتي ازداد و الأهتمام اختفى و الحب بيقل حاولت على قد ما اقدر أصلح اللي حصل بس دون جدوى هي اتغيرت جامد معايا و مرة من المرات كلمتها في التليفون و كنت بسأل عليها كلمتني ببرود أعصاب اتعصبت عليها و قولتها انا من طريق و انتي من طريق كلمت أهلها و اهلها كلموا أهلى و روحنا البيت و لقيتها كانت حاكية كل حاجة حصلت ما بينا من تجاوزات ل اهلها و خالتها و أبوها كل الناس حتى أصحابها اضايقت جدآ حسيت اني اتكسرت قدام أهلها فضلت زعلان منها كام يوم و كان في حرب بين عقلى و بين قلبي العقل بيقول سيبها و القلب بيقول كمل القلب انتصر و قولت اكمل عشان حبتها بجد نزلنا مع بعض كلنا انا و خطيبتي و أخويا و اختها كان فيه ما بيني و بين خطيبتي برود جامد ما بينا علاقاتنا اتدهورت اعقدت أكلمها عن سبب علاقاتنا ليه اتدهورت و أنها مكنتش صريحة معايا من البداية و قولتلها احنا لآزم نسيب بعض اعقدت تعيط و تقولي نحاول تاني رفضت و روحنا و كلمت أبوها و اعقدت معاه قالي طلما الموضوع وصل ل كده انتوا لآزم تعقدو مع بعض قدامي اسمع منك و منها و نشوف ايه اللي بيضايقك و بيضايقها فعلآ اعقدت معاها و اتصالحنا و أبوها كسر الخط القديم بتاعها و جبلها خط تليفون جديد و عطيتهولي و مسحنا انا وهي الشاتات بينها و بيني على فيسبوك القديمة كنوع من إننا بنبتدي صفحة جديدة مع بعض و بدأنا الصفحة الجديدة و انا عرفت أمي بالموضوع كله أمي رفضت و قالتلي لآزم تسيب البنت دي تاني يوم واحدة صحبتها هزرت معاها برقم مختلف على أنها واحد و هي قالتلي على الكلآم ده عشان قالتلي لآزم يكون في صراحة ذي ما بابا قالك و بعتتلي اسكرينات بالمحادثة دي و انا دخلت كلمت الشخص ده طلع صحبتها بتهزر معاها برقم تاني و عرفتها بعد كام ساعة اتصلت ب أبوها و قولتله ان هي بتكدب عليا تاني و عملت مشكلة كبيرة و عرفت أبوها ان انا حكيت ل أمي عن كل حاجة حصلت في علاقتنا و أمي مش موافقة بالجوازة دي و قولتله قالي طلباتك قولتله حفسخ الخطوبة و اخدت شبكتي منها و هي حذفتني من على فيسبوك واتساب بس الغريبة ان أختها ما حذفت اخويا و قالت ل اخويا احنا صحاب و اخوات تاني يوم علطول بعد ما أخدت شبكتي منها الحنين اخدني و حسيت اني بحبها و عايز ارجعلها أخويا كلم والدها عشان ارجع لها تاني بعد مناقشات كتير طلب أمي تيجي عند أهل خطيبتي في بيتهم عشان تعتذر ليها على اللي حصل مني فا قولت ل أمي فرفضت و قالتلي لآزم تسيب البنت دي فرجعت إتصلت ب والدها و قولتله حنحل الموضوع ده ودي ما بينا وأخويا حيتدخل عشان يصلح ما بينا قالي ماشي موافقين بس في شروط قولتله اي هي
قالي الخروج حيبقى أنت و خطيبتك بس لوحديكم مرة في الشهر وعايز تيجي البيت براحتك ان شاء الله تيجي كل يوم مفيش مشكلة عمها أتدخل و قال ل والدها فضيله غرفة اخوها عشان يأخد راحته و يقرب منها
و قال ل أخويا تبقى تيجي لوحدك بردوا ل أختها بس إزاى ومفيش حتى قراية الفاتحة ما بينهم غير أنهم صحاب تعقد مع أختها براحتك بردوا فا استغربت جدآ
و عمها و أبوها قالولي الماضي بتاعها ما يهمك انت ليك ساعت لما تستلمها في بيتك و قالي كمان لو أكتشفت أنها بتكلم واحدة أخلاقها وحشة قولها ما تكلميها ولو كلمتها اعمل نفسك مش واخد بالك مرة اثنين ثلاثة و في الرابعة قول ل أبوها و هو حيتصرف و لو أكتشفت بردوا أنها بتكلم واحد من العائلة عندهم اخلاقه مش كويسة اصبر عليها مرة و اثنين و ثلاثة و في الرابعة قول ل أبوها و هو حيتصرف
بعد إذنك ايه تفسيركم للموضوع ده؟
و اكمل معاها البنت دي ولا لاء ؟


التوقيع

Islam


منذ 09-10-2021 - 1 تعليقات - الزيارات 86 | مشكلة زوجية

  

خبيرة

أم هاني

منذ 11-10-2021

مابني على باطل فهو باطل


الاكثر اجابة

357

333

249

237

202

165

159

157

135

محول التاريخ