ØÙØت ØÙع Ùˆ ÙØÙت Ùˆ Øس ØÙÙƒØ ÙÙŠÙ

عضو

Ree

السلام عليكم
بحكيلكم قصتي انا كنت متزوجة من خمسة سنين ولم يرزقني الله من زوجي، هو كان يحبني جداً وانا كنت احبه وصارحني انه يبي يتزوج وانك تبقين معه وماراح يفرط فيني، وانا رفضت وزعلت ورحت لبيت اهلي، هو تزوج وانا زعلت جداً ورحت المحكمة وطلبت خلع وحدد القاضي جلسة لنا وجلسنا وقاله القاضي تطلق وربي يعوضك ويعوضها خير ، انا كنت متوقعه يرفض ويطلب المهر وغيره، المهم قال للقاضي انا ابيها ولكن مادام وصلت للمحكمة واشتكتني وتبي تخلعني فراح اطلقها بدون عوض، المهم تم الطلاق طلقه وحده وانتهينا من بعض، وانا الحين ندمانه مره? واقول لنفسي ليه رحت المحكمه وتعبت جداً الان لي سنة مطلقه ماني مع الناس ولا مع عائلتي وبس افكر فيه?، وبعض المرات افكر ارسله احد يرجعني، بس الي سويته فيه بالمحكمة ماينسوى وحاولت انساه اشيله من تفكيري ماقدرت، دخلت نادي نسائي جلست فيه ٥ ايام على بالي يشغلني وينسيني همومي لكن مافيه فايده، انا بس ابيه يرجعني وعادي مره مرتين راضيه ابي نصايحكم وحلولكم تكفون مابي لوم وتشفي لاني فعلاً ندمانه واخطأت بحقه لانه كان موفر لي كل شي ويحبني لكن وقت الغضب والزعل راح وبانت حقيقة فضله علي، ودي اخرج من الدائرة هذي ودي ارجع له بأي طريقه والله يسعدكم يارب


منذ 16-01-2022 - 2 تعليقات - الزيارات 317 | مشكلة اجتماعية

  

عضو

رمانه

منذ 16-01-2022

شوفي اخته او قريبه له لمحي لها بالرجعه

ماودي اقولك كلام يجرحك زيادة

لكن ان ربي كتب ترجعون لبعض راح ترجعون ان شاء الله

التوقيع

اللهم صلي وسلم على نبينا محمد وعلى اله وصحبه أجمعين


مميز

محمد

منذ 17-01-2022

الشيطان كلب وحريص انه يفرقكم وقالك اخلعيه والعنيه وبهذليه بالمحاكم .. سلامات يابوي عشانه تزوج ثانيه ☹️ وداك الخبيث للمحكمه ،، تعوذي منه دائماً عند الزعل والغضب ولا تخلين له مدخل يدخلك ويوسوس لك .. حتى بحياتك بدون زوجيه .. اما التعلق الان بطليقك فهذا شي طبيعي ، الاشتياق والحنين لانك انسان بشر ومن طبع البشر يحن ، عشان تم لك ٥ سنوات ماتقدم لك احد من بعده فطبيعي ايضاً الحنين :) لو دخل احد حياتك قلل الشوق له ، من رايي انك تكلمين احد يمون عليه ويسأله تحبها ؟ تشتاق وتحن لها ؟ ودك ترجعها ؟ وقبل الاسئله ذي يكون فيه بقلاوة قبله :| ، اذا اجاباته نعم ، يكلمه يرجعكم ع بعض لكن تتنبهين لأي تساؤلات في غير محلها .. ولا تتدخلين في زوجته الثانيه ابد كانها مو موجوده لاتحسبين لها حساب ، ولو رجعتوا لبعض طبيعي انه ينام برا ،، ومثل ما قالت اختي رمانه ، اذا ربي كاتب لكم ترجعون لبعض راح ترجعون ، واعلمي ان في انفصالكم خيره لك ولها وله ، احمدي الله دائماً واشكريه على كل نعمه عندك .. اتمنى لك التوفيق

التوقيع

إذا رأيتَ مَن تُحب ... ابتسم! ليَشعُرَ بحبك.


محول التاريخ