محمد

منذ 26-01-2022

وعليكم السلام ورحمة الله وبركاته
ياهلا ابو رامي ، الله يصبحك بالخير
اذا ميزانيتك تسمح ، ركب كاميرا ام شريحة بيانات ، انترنت ، لمراقبة اشغالك وانت خارج المنزل عبر الجوال ، لها استشعار حركه اذا احد مر امامها يجيك اشعار على الجوال
وكذلك رؤية ليلية ، وفيها كشاف نور ، ومتحركه ٣٦٠ درجة ، جداً ممتازه ، عندي مركبها بالمزرعة والاستراحه ، مركب اثنتين منهن ، مع الكاميرات الثابتة ، ? تكشف لك المنطقه كامله ومتحركه تحركها وين ماتبي اتجاهها ،
انت ركبها على زاوية بحيث تكشف لك الجهتين والجهة الثالثة ركب كاميرا ثابته على رسيفر
.. الاسعار ..
الكاميرا الثابتة فيه انواع كثيره حسب الميزانية كل ما ارخيت الريال كل ماخذت الافضل والاقوى :) ، رح لمحلات الكاميرات وانظمة الحماية وتبحر بالانواع ، وكذلك يشرح لك الافضل ..

الكاميرا المتحركه ماتحتاج محل تشريها من الانترنت بنفسك وتركبها بسيطة جداً ، لا تحتاج الى اسلاك وتوصيلات ، سوى سلك كهرب .
حتى فيه كاميرات متحركه على الطاقة الشمسية بدون اسلاك كهرب ، هذي تصلح اذا ماعندك كهرب او تخاف يطفي الكهرب وتطفي الكاميرات ،، انت دايم احرص على وضع الكاميرا باتجاه عداد الكهرب او الطبلون ،

شف وش اللي تبي وأقرا عنهن بالشيخ قوقل
،
واذا حاب اني اساعدك ازهم علي :) وفقك الله

التوقيع

إذا رأيتَ مَن تُحب ... ابتسم! ليَشعُرَ بحبك.