عضو

الناقور

السلام عليكم
البعض ممكن يستغرب من العنوان
كيف التجربة فشلت؟ وليش ما قدرت اشتريه ؟

المعروف ان برميل مندي المزين مخترع من قبل بسام بن سليمان المزين او كما يدعي انه اخترعه

و الاسعار حدث ولا حرج صغير ب ٨٥٠ و اكبر شيء ب ٢٤٠٠

قلت بروح ادور في موقع علي بابا مع الباعة الصينيين

لقيتهم عارضين اخو البرميل اللي مخترعه المزين هنا ولاكن اختلاف بسيط شوي و بسعر رخيص جدا ١٠٠ دولار

كلمت البائع

وطلبت منه السعر و كم تكاليف الشحن وطرق الدفع

قال وين عنوانك قلت السعودية الرياض

قال اسف ما اقدر ابيعك !!

قلت والسبب ؟!
قال في لنا وكيل في السعودية نصنع له البرميل هذا تقدر تروح وتشتري من عنده

وهنا يأتي المستحيل

قلت له طيب من هو هذا الوكيل و كيف ممكن اتواصل معه او وين محلاته كيف اقدر اشتري منه ؟

قال اسف ما اقدر اقول لك!!!!!

قلت يا ابن الناس كيف تقول لي روح واشتري منه وانت مو راضي تقول لي حتى اسمه انا ابي اشتري لاني متاجر ولا ني مقلدا بستخدم و السبب ان اسعاره في السعودية غالية جدا

قال ما اقدر اقول لك اسمه

فحجرت له و سألته هل هو المزين ؟

قال ما اقدر اعطيك معلومات عن المزين !

قلت انا اسألك هل هو المزين على شان اروح اشتري من عنده

قال المزين موقع معنا عقد ما نقدر نبيع اي واحد في السعودية وانه الممول لنا نصنع له ونرسل له ، وانه عرض فكرة علينا ولاكن الحقيقة انه نحن نصنع له ونبيعه بسعر ارخص

وقال ليش ما تشتري من السعودية رخيص

قلت مقارنة بسعركم ١٠٠دولار هنا يباع اقل شيء ٨٥٠ ريال

و محاولاتي كلها فشلت اني اشتري برميل واحد استخدمه ما قبل يبيعني ابدا بسبب عقدهم مع المزين

واللي استغرب منه يقولون مصنوع في السعودية و ناس اخترعته و كلام غير صحيح كله انتاج الصين و باسعار مرة رخيصة وعندنا يباع باسعار خرافية!!


منذ 19-09-2017 - 1 تعليقات - الزيارات 1455 | مشكلة اخرى

  

خبير

ابو تركي

منذ 20-09-2017

اعتقد انه حصري للمزين وبينهم عقد تصنيع وتوريد

التوقيع

سبحان الله وبحمده سبحان الله العظيم


الاكثر اجابة

357

327

246

231

190

165

159

135

129

محول التاريخ