الرئيسية > مشكلة نفسية > انا اعاني من الاكتئاب واشعر بالخنقة باستمرار

انا اعاني من الاكتئاب واشعر بالخنقة باستمرار

مشكلتي في ان انا وسيم كل اللي يشوفني يحسدني وينقم علي النعمة علي طول بقي مخنوق وبعاني من الاكتئاب ورحت لاكتر من دكتور نفسي اللي يقول بؤرة كهربية واللي يقول توتر داخلي واللي يقول مافيش حاجة انا تعبت جدا وعلطول بفكر في الانتحار انا تعبت من حياتي ارجو وبردو رحت لشيوخ ومافيش فايدة وكمان مخنوق من الكلية لدرجة ان انا مابقتش عارف انا عايز ايه حياتي بقت مملة بجد انا تعبت


منذ 01-04-2018 - 3 تعليقات - الزيارات 197 | مشكلة نفسية

عضو

العين بحر

منذ 01-04-2018

لو كل شخص ينظر للناس الي الله ابتلاهم في امراض كبيرة كان حمد الله على نعمة الصحة والعافية الي هو فيها

اذا مشكلتك نفسية تقدر تقاومها بأرادة وعزيمة وخطط مدروسة منك

العلاج يبدا منك انت ,, انت تقدر تساعد نفسك بنفسك

اصرار + عزيمة + توكل على الله = تخرج من الصعاب

وبالتوفيق لك

منذ 08-06-2018

طيب أولا نستبعد موضوع الحسد لان احياتا فى حد بتسيطر عليه فكرة انه دايما محسود وممكن ده مش حقيقة اصلا اهم شئ حصن نفسك بالأذكار الصباح والمساء على الأقل وداوم عليها يوميا والغى فكرة انى محسود من قاموسك حتى لو حسد بالفعل قوة ارادتك واصرارك وتحملك المسئولية ان اى حاجة غلط بتحصل انت متحمل مسئوليتها او حتى انت مش سبب فيها اذن ده بلاء وواجب عليا الصبر واحتساب الأجر عند الله لكن ف الاخر احذف تماما الناس من حساباتى وفكرة انى محور كلهم بيحسدوه... ثانيًا بقى الاكتئاب ده مرض حضرتك قلت انك رحت لأطباء لو بتعانى منه اذن فى ادوية مع كورس علاجى مع الطبيب النفسى وده يحدده الطبيب بجانب العلاج بقى يجى العامل الرئيسى وهو حضرتك انت نفسك لازم تؤمن بيك وقدراتك الاكتئاب مش فيك ده ضيف تقيل بيجى شوية وبيمشى اتعلم تحجمه بمعنى اوعى تسيبه يسيطر عليك ده وحش وبيكبر، دايما انا اقوى منه متقلش عندى اكتئاب متقلش انا يائس متديش رسايل سلبية لعقلك وتفكيرك حتى لو الاحساس مسيطر عليك عاااند وقوله انا اقوى واهم حاجة متقعدش لوحدك اقعد وسط ناس بتحبهم حتى لو مش عاوز اخرج وبس انزل جيم او العب فى البيت اخلق جو جديد بانسان جديد هو المتحكم مش الناس انا مش بقول كلام خيالى او مش هتقدر تعمله او ان حد مش مقدر معاناتك ، مقدرة معاناتك لأنه مرض بشع ومش اى حد بيعرف يتعامل مع الشخص المكتئب علشان كدة متستناش حد يقومك متهتمش حد فاهمك او حاسس بيك او لا مش مهم المهم انت انت هتعامل نفسك ازاى هتسلم ولا هتحارب انت فى كلية يبقى ذاااااكر اطحن نفسك فى المذاكرة حتى لو مش لاقى شغفك حاليا اول ماتحس بالنجاح وتحس طعمه هتفوق وتحدد مستقبلك عامل ازاى اى فكرة ايجابية تخطر ببالك اكتبها وعلقها فى اوضتك املاها عبارات محفزة وايات مطمئنة تبعث رسايل ايجابية دايما ليك حتى لو مش حاسسها عقلك هيستوعبها اخيرا بقى الجانب الروحى انا عارفة المكتئب علاقته مع ربنا بتضيع مش العكس الاكتئاب مش دايما نتيجة للبعد عن ربنا فعمرى ما هقول كدة لكن هقولك حاول حاول تلاقى قلبك وانت بتصلى جرب كدة اتوضى وصلى قيام فى الثلث الأخير من الليل واشكى كل همك لربنا ابكى وخرج كل اللى حاسس بيه لما هتتكلم هتفرق كتير اوى معاك ، وحتى لو محستش اوعى تقطع صلاتك الحبل الوحيد بينك وبين الله عز وجل ..اللى يخليك تؤمن بالحسد يبقى الأولى تؤمن بالله وتتأكد انه مش هيضيعك وانه القادر على كل شئ... اسفة جدا على الاطالة لكن حبيت اغطى اكتر من جانب على قدر المستطاع ربنا يوفقك ويهديك لطريق الحق امين يارب

عضو

خلود

منذ 13-08-2018

الله يشفيك

الاكثر اجابة

228

161

114

66

63

57

51

48

50

إحصـائيات الستخدمين

عدد الاقسام 7
عدد الاسئلة 758
عدد الاجابات 546
عدد الاعضاء 685
المتواجدون الان 4
عدد الزيارات 27423